讀大學


個人分享
Tagged With: , , , , , , , , ,

「大學」

最近一篇《十七歲少女:我要做個程式設計師》引嚟唔同嘅迴響,如果你問我嘅話,讀唔讀大學係自己嘅選擇。而作為一個過來人嘅身份,只可以講路係自己揀,視乎環境同實際情況而決定。最緊要嘅係要知道點解要讀大學,點解要有一張畢業證書。雖然當年決定輟學,但係過咗十幾年之後,自己決定再次返回校園,只不過再返校園嘅目的更加明確,更加清晰!所以無話啱定錯!

「讀書」

當年自己無讀完大學最主要嘅原因係自己入唔到心儀嘅科目,亂咁揀咗一科自己毫無興趣嘅課程,最終決定唔好浪費自己嘅時間。慶幸嘅係自己一直都好幸運,靠自己嘅努力係工作上面都可以話係一帆風順。只不過無讀完大學始終係一個遺憾,而實戰始終係實戰,有時係需要理論去支持自己嘅觀點與角度先至會事半功倍。雖然好多嘢都已經係工作上面學咗,但係大學將自己係職場所學嘅理論化,感覺更加實在!

「人生」

好多人都會詫異一個連大學都未畢業嘅人點解可以二十一歲就係大公司工作,二十四歲晉升為管理層,二十七歲管理一個三百人嘅團隊。我只可以話我真係好幸運,遇到唔同嘅機會,而比我叻嘅人有好多,只係我好好彩而已!當然如果我繼續堅持讀大學嘅話,我嘅人生會好唔同,際遇都會好唔同。讀唔讀大學其實無乜大不了,因為每個人嘅路都唔同。只要知道自己嘅目標,知道條路點樣行,堅持自己嘅夢想,讀唔讀書,幾時讀,係邊度讀其實唔係重點!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]