共享化


個人分享
Tagged With: , , , , , , , , ,

「法例」

好多國家都無法例去迎合共享經濟嘅發展,就好似係日本,佢哋都係啱啱通過修改法例令房屋可以作短期出租之用。每年出租嘅日子唔可以超過六個月,與此同時亦有好多唔同嘅法例需要遵守!當然係香港基本上將屋企作短租用途,或者私家車用嚟接載乘客收取酬勞都係違反現今嘅法例。但係點解會有咁多人選擇使用嗰啲服務?當然有故中嘅原因,而通常係不滿現今嘅服務種類同質素。

「共享」

共享經濟其實唔係一啲乜嘢嘅新構念,而共享嘅原意係善用社會資源減少浪費達致最大嘅經濟效益。最常見嘅係住宿同汽車,因為好多時嚟啲資源嘅使用率都比較偏低。例如一架私家車嘅使用率係百分之十,咁則係有百分之九十係被閒置,咁就做成資源浪費。如果提高私家車嘅使用率,就有可能減少交通擠塞。問題係在於大家需唔需要擁有,而且願唔願意同其他人共享!

「扭曲」

當然好多人將共享變成一盤生意,而將本來共享嘅概念扭曲。打個比喻,有人會專登買間屋然後利用共享平台將物業租出去,而其實嚟過係唔係共享經濟?定係有人利用共享經濟嘅概念去賺錢?如果係咁就完全違背咗當初嘅意義!除咗無減少資源浪費嘅問題,反而有機會製造更多嘅浪費。雖然共享經濟係會對社會帶嚟唔同嘅改變,只不過有啲公司係唔係濫用咗共享嚟兩個字?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]