真係識

「證明」

老實講識同唔識嘢嘅人好易分辨出嚟,因為做兩做就知道係龍定係鳳!就好似啲人話風水佬呃你十年八年一樣,氹你落搭有幾難,因為你都唔識,所以不要問只要信!就係咁好多時就會出事!當然事前真係一個信字,只不過現實同想像嘅係兩回事。所以口碑係勝於一切,唔係話平嘢無好嘢,貴嘅亦都有佢嘅道理。最緊要係做到嘢,講乜都係假,因為最終嘅結果就係最好嘅證明!

「唔識」

好多人都聽過舢舨充炮艇嚟句說話,而現實真係有好多人係咁!無數次同啲客開會嘅時候都遇到同一個問題,就係因為啲客唔識所以先至要搵人幫手搞。點知講嘅就真係天下無敵,最終又係搞到一鑊粥,執佢哋啲爛攤子唔緊要,只係覺得啲人搞到個市場亂晒大龍。當然自己仲有好多嘢都唔識,都要繼續去學習,而做生意嘅都係一樣,唔識唔緊要,因為邊有人可以識晒所有嘢呢?

「教育」

雖然唔同人做嘢有唔同嘅方法,但係有啲方法由一開始就根本錯晒,咁又點會做到成績出嚟呢?當然一個硬幣有兩面,好多嘢都唔知得一個方法去實行,只不過去唔去到終點先至係問題所在。呃呃氹氹雖然可以做到生意,但係一定做唔長!只不過世界上總有嚟啲公司,真係吹得就吹,因為過咗海就係神仙。希望教多啲書可以改變一個得一個,因為騙徒嘅手法真係層出不窮!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]