飲奶茶

「絲襪」

要講香港茶餐廳文化當然唔會少得絲襪奶茶!其實奶茶同蛋撻一樣都係源自英國嘅下午茶,但係傳統嘅英式奶茶係以紅茶為基礎,只用少量牛奶,不用鮮奶油,有時會加入食糖。而港式奶茶點解由叫做絲襪奶茶,其實原因係因為用嚟過濾奶茶嘅棉紗網經奶茶浸泡後,顏色同樣貌就好似絲襪咁嘅樣!但係點解要用棉紗茶袋濾過啲奶茶?原因係令到奶茶比較細滑,同時茶味更加均勻。

「奶茶」

香港人飲奶茶其實好講究,當然同飲咖啡一樣,每個人嘅喜好都唔同。有啲人鍾意茶味濃啲,有啲鍾意奶味香啲,而沖一杯好嘅奶茶真係同沖一杯好嘅咖啡一樣,都係好難。而每間茶餐廳都好唔同,因為啲茶葉唔同,用嘅奶唔同,師傅唔同。要搵一杯適合自己嘅奶茶真係好難,人哋覺得好飲嘅,你未必覺得好飲。大家又搵唔搵到一杯自己鍾意嘅奶茶呢?不妨大家又分享下!

「師傅」

之前有媒體做咗個全港蛋撻嘅調查,其實係唔係應該都做一個全港奶茶嘅調查呢?香港嘅奶茶其實可以加咖啡就變成鴛鴦,加煉奶嘅就變成茶走。搵一杯好嘅奶茶真係好難,以前住係港島都會去屋企附近間茶餐廳飲奶茶,但係搬咗之後就搵唔到有邊間好飲!最慘嘅係有啲茶餐廳啲奶茶質素好唔穩定,有時好飲,有時又完全唔得。所以除咗茶同奶之外,師傅真係好緊要!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]