忘不了

「傳承」

究竟有幾多年輕人會去悼念六四?佢哋就算去嘅話,其實係唔係為咗趁熱鬧?定係因為朋友或者屋企人話去所以就去?無論係點,新世代應該需要完全了解當年所發生嘅每一件事!用武力去鎮壓手無寸鐵嘅學生,其實同大屠殺係無分別,與此同時大家亦都應該去了解事件嘅始末。其實用乜嘢形式去將六四嘅歷史保存同傳承係一個好重要嘅議題,因為大家唔希望嚟段歷史慢慢咁俾人忘記!

「悼念」

點解仲有人每年都會去維園悼念六四?相信好多年輕人係八九年嘅時候都未出世,因為真係講緊二十八年前嘅事!但係歷史就係歷史,係無可否認嘅一段歷史!但係點解係教科書入面無提及,甚至乎係中國真係有好多人都唔知道當年發生乜嘢事?到今時今日,中國仍然仲未承認當年嘅大屠殺!所以我哋有責任去話俾我哋嘅下一代聽,當年究竟發生過啲乜嘢事。

「意義」

近年好多年輕人覺得悼念六四係無意義嘅事,因為覺得六四同佢哋無乜嘢關係!當然時代唔同咗,諗法唔同咗,無問題。好明顯年輕人對六四嘅觀點與角度都唔同。用乜嘢形式去繼續延續六四係需要繼續討論,但係每年嘅維園集會係希望大家唔好忘記嚟一段歷史。你認唔認同,支唔支持,係個人嘅選擇,無人可以強迫任何人做任何嘢!雖然已經過咗二十八年,但係我哋依然忘不了!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]