大抽獎


個人分享
Tagged With: , , , , , , , , ,

「小學」

相信好多父母都希望自己嘅仔女可以有一個好嘅學習環境,所以每當去到升小學嘅時候都特別緊張,因為一讀就讀六年!當然有人歡笑有人愁,小朋友派到一間心儀嘅學校就當然最好,不過今年嘅小一派位只有三分之二嘅機會獲派頭三志願!而因為小一統一派位係隨機抽籤,所以大家都會用大抽獎去形容嚟個機制。相信到我嘅時候我都會好緊張,不過都要順其自然,因為有時希望越大失望越大!

「派位」

好多人為咗小一統一派位真係無所不用其技,當然最多人就係去到心儀學校嘅區份租樓住,有啲有錢嘅就分分鐘去買層樓!為嘅都係希望自己嘅仔女可以入到間好學校。有人會覺得痴線,但係點解每年都有咁多家長做同一件事?好明顯係香港嘅教育制度問題!因為個遊戲規則係邊個定?就算你選擇唔玩嚟個遊戲,身邊總會有人樂意玩嚟個遊戲。到最後咪又係苦了家長,苦了小朋友!

「問題」

其實依家嘅社會係好有問題,因為科技嘅發達,依家好多父母都有啲唔同嘅谷作即時交流。雖然有時分享係一件好事,但係當大家開始比較,開始炫耀,三嘴八舌,你一句我一句,其實慢慢就令啲父母變得越嚟越怪獸!當然歸根究底係制度嘅問題,不過另一個問題係社會同資訊過份流通所做成。因為一個遊戲要成功係需要有玩家去玩,如果無人玩嘅話個遊戲自自然然就會有改變!


Also published on Medium.

Comments are closed.