新趨勢

「趨勢」

有互聯網女皇之稱嘅華爾街證券分析師,瑪麗梅克爾再一次發佈《二零一七年互聯網趨勢報告》。今次係佢第二十二次公布該年度互聯網報告,而世界各地都期待佢嚟份咁有權威報告出爐。每次佢嘅報告都係好長,所以要睇晒佢份報告都需要一啲時間,而當中所包含嘅訊息真係實在太多,睇完都仲需要時間去消化!但係睇咗開頭嗰幾頁其實就已經係數據,數據同數據!

「報告」

點解大家都咁期待互聯網女皇嘅互聯網趨勢報告?我相信其中一個原因就係免費,而且報告所涵蓋嘅範圍比較廣泛,好多公司都會用入面嘅分析同數據去改變自己嘅營運策略。當然份報告有我最關心嘅數據啦!報告當中提及,當量化網上廣告嘅時候將會係一把三刃刀!而當所有嘢可以量化嘅時候,好多時用戶睇到啲佢哋唔想睇嘅嘢,而與此同時佢哋亦唔想俾人收集佢哋數據!

「數據」

今年份報告基本上好多重點都提及數據嘅重要性,淨係數據嚟個字都出現咗二百次,當中有啲雖然係報告嘅參考文章,但係都足以證明數據係未來嘅發展有幾緊要!咁你話數據係依家嘅環境有幾重要!最慘嘅係仍然有好多企業仲未意識到嚟個問題,莫講話用數據去營運自己盤生意,就連點樣收集數據都未識,咁將來點會仲有生存空間呢?如果再唔急起直追嘅話遲早就會被淘汰!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]