雪巴人

「雪巴」

雪巴人係藏語夏爾巴人嘅音譯,係一支散居係尼泊爾,中國,印度同不丹等國邊境喜瑪拉雅山脈兩側嘅民族。由於長年生活係高山地帶,所以天生係登山嚮導,為各國登山隊提供嚮導通後勤服務已經成為雪巴人嘅主要經濟來源之一。根據尼泊爾政府規定,一個夏爾巴人每一次服務只能背負二十磅,收費大約一百二十五美元左右。而年輕力壯嘅雪巴人通常會加倍負擔,為嘅係可以賺多啲血汗錢。

「血汗」

大家應該聽過欺山莫欺水,但係爬山就唔危險咩?當然一樣有危險,但係因為雪巴人生活係高海拔嘅環境,所以佢哋比一般人更加能夠適應高海拔嘅環境。其實「雪巴」係藏語有「來自東方的人」意思,雖然佢哋嘅體能同攀山技術都極具優勢,但係唔代表佢哋為各國登山隊提供嚮導同後勤服務就無危險。每次登山其實都係有血有汗!所以真係好佩服佢哋,因為佢哋為咗生活而要冒生命危險帶其他登山者上山!

「喪命」

係過去嘅十三年之間,其實有近百人喪命於珠穆朗瑪峰之上,而其中雪巴人佔死亡人數嘅百分之三十六!佢哋大部分都係死於雪崩同高處墜下,而且高峰環境惡劣嚴峻,因此大部分不幸離世嘅登山者屍首只能暴露於茫茫雪山之中。至於話派雪巴人冒險上珠穆朗瑪峯將屍首帶返落山係唔係道德,其實係登山界引起好大嘅爭議。因為真係十分危險!雪巴人先要將屍首從冰鑿出來,將他們包好並用繩紮住,再係強風中將佢哋慢慢拖到海拔六千四百米嘅營地,因為嗰度係直升機可以到達嘅最高處。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]