廣東化

「中文」

雖然我中文真係唔叻,莫講話乜嘢係唐詩宋詞,有好多中國歷史我都唔係好熟。當然而家係中國都係講普通話同寫簡體字,只不過好多時啲人就忘記繁體字先至有原本個字嘅意思,而中國係有好多唔同嘅地方語言。而廣東話其實係好多嘅唐詩宋詞入面都可以搵到!或者我哋日日講廣東話就真係唔覺,但係如果將啲詩詞用普通話講又真係講唔通。所以廣東話唔係無文化!

「粵語」

廣東話其實一啲都唔易學!如果覺得講廣東話係無文化嘅話,咁就真係大錯特錯!相信大家都認識李白嘅靜夜思:床前明月光,疑是地上霜。舉頭望明月,低頭思故鄉。咁關廣東話乜嘢事?其實重點係個望字!因為如果用普通話講嘅話係應該用看而唔係望。當然原來仲有好多啲咁嘅例子,所以將來如果有人話廣東話無文化嘅話,真係可以叫佢哋去睇下唐詩宋詞。

「文化」

廣東話或者粵語其實係有千幾年嘅深厚歷史同文化基礎!所以唔好再講乜嘢廢除廣東話,因為唐詩係要用廣東話嚟讀先至啱。唔識廣東話唔係問題,問題在於話講廣東話嘅人無文化,咁先至失禮!因為無文化嘅係唔認識中國文化嘅人。有無文化唔係用把口講就得,而係要先了解每個文化嘅根源,因為文化係指人類所創造嘅精神財富,好似文學、藝術、教育、科學、禮貌、節日等等。


Also published on Medium.

Comments are closed.