久石讓

「藝名」

相信好多人都唔知邊個係「藤澤守」,因為「藤澤守」係日本著名音樂家「久石讓」嘅原名!咁嚟個藝名「久石讓」係點嚟?其實個名係源自佢嘅一位偶像。美國黑人音樂家及製作人「昆西瓊斯」。佢選用同「昆西瓊斯」發音相近嘅漢字「久石讓」,再將「久」由音讀改為訓讀,就變成了而家嘅藝名。久石讓因為幫《風之谷》配樂後開始獲得關注,並多次為宮崎駿係吉卜力工作室執導嘅動畫配樂。

「配樂」

作為一個宮崎駿嘅動畫迷,當然除咗畫功之外就一定要認識幫佢動畫配樂嘅大師,久石讓。雖然宮崎駿近年不斷話要退休,每一套動畫都話係最後一套,不過好多套動畫嘅配樂都係由久石讓包辦!而佢上一次以指揮身份來香港舉辦音樂會都已差不多係七年前嘅事,不過出年佢就會再一次嚟香港。不過相信好難買到飛,因為真係實在太多人。希望有幸可以去聽佢個音樂會啦!

「樂團」

要數佢為宮崎駿嘅動畫配樂就一定包括:風之谷,天空之城,龍貓,魔女宅急便,飛天紅豬俠,幽靈公主,千與千尋,哈爾移動城堡,崖上的波兒,風起了!好多年前係北京去過一個宮崎駿動畫配樂嘅音樂會,雖然唔係久石讓指揮,但係現場聽管弦樂團演奏真係兩回事。如果錯過咗今次嘅機會,真係唔知幾時佢再會嚟香港舉行音樂會。不過相信有係一票難求!


Also published on Medium.

Comments are closed.