光污染

「污染」

唔知大家對光污染嘅認識有幾多,但係香港嘅光污染其實係好犀利。我哋經常談及空氣污染,但係就好少人關心光污染嘅問題。當然香港五光十色嘅街道係一個特色,亦因為咁香港有東方之珠嘅美譽。只不過以前嘅霓虹燈慢慢被大電視逐一取代,光污染嘅情況亦日益嚴重,只係因為大家都覺得好正常所以無理會。其實係世界各地都有唔同程度嘅光污染,而嚴重嘅係會影響自然生態。

「光害」

一般嘅人都會覺得光污染關我乜嘢事,因為好多時大家唔係住係一啲面對大型廣告牌嘅地方!而家有時經過啲大電視,再望一望,隻眼其實有啲痛同唔舒服,因為真係好光!尤其有啲廣告個背景係白底,真係好刺眼。而家好多新嘅大廈,場外都會轉咗做大電視,因為比起傳統嘅戶外海報更加吸引。但係真係駛唔駛咁光呢?而家經過見到嚟啲大電視我都一定避開!

「規管」

香港到現時為止都未有一條法例去規管光污染,但係真係激有需要!例如幾點鐘一定要息咗啲大電視同廣告牌,啲光都唔可以超出某個光度,等等。研究指出大量嘅光污染對市民眼睛造成傷害,減低睡眠素質同影響情緒。減少光污染可以令市民生活更加舒適,促使身心健康,提升市民生活素質,亦會減少因眩光而導致交通意外嘅機會,保障市民安全。香港真係需要立法去規管光污染嘅問題!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]