又裁員

「節流」

係商業環境,開源節流係好平常嘅事。當然裁員係節流嘅常用手法!通常都係將一啲高人工,高年資,低價值嘅職位嚟開刀。而好多時資訊科技嘅部門都被視為高開支嘅部門,但係好多管理層其實忘記咗今時今日好多同營運有關嘅事務都係同科技有關。要提高工作效率,節省資源,其實都要靠科技。但係點解將自己嘅資訊科技嘅員工開除,之後再搵出面嘅公司承包?咁樣真係慳到錢?

「裁員」

今次國泰航空要裁員,其實唔係因為航空業嘅問題,最大問題係佢哋投資失誤,導致重大虧損!當然除咗呢個問題之外,就連本身核心業務嘅服務質素都下降,令好多乘客都轉投其他航空公司。所以導致今次大規模裁員係因為管理問題,有本業唔好好去做而走去投資燃油對沖,雖然航空業競爭激烈但係造成損失嘅主因係因為投資失誤,錯判燃油價格走勢。所以做生意係應該做好本業!

「質素」

一間原本令香港人自豪嘅航空公司,因為管理問題令原本係全球最佳航空公司慢慢跌出三甲之外。其實近年如果有坐過國泰嘅航班都會感覺到服務質素嘅下降,好多人都會講有得揀一定會避開座國泰。今次裁員牽涉到六百名員工,其實已經唔係一般嘅裁員!至於佢哋會點樣轉型同改革就真係要時間去證明。要挽回乘客對品牌嘅信心真係需要一段時間!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]