去開源

「創業」

相信好多創業嘅朋友都會遇過不同嘅高低起跌,當然一定如果順境同逆境。有啲或者選擇去節流,將營運規模縮小等待時機再重新出發。有啲就利用原本嘅資源同時間去開源!邊條路係啱無人知,不過如果唔變,只係死守嘅話一定唔係出路,所以好多創業嘅朋友都不斷去開拓唔同領域嘅業務。雖然有時會令好多人唔明白公司嘅方向,但係有邊間公司真係只會做一樣嘢?

「包袱」

好多企業都因為要肩負起自己嘅品牌,形像,業務同價值觀,所以好多時慢慢就會變成包袱同俾一個預設嘅框架綁手綁腳!當業務下滑嘅時候一般都會去節流,但係節流去到一個地步,其實係會去到無可再節嘅地步。所以開源係好緊要,而且唔應該有任何框架同限制。開源係需要資源,如果只係不斷節流,希望穩定業務,倒不如將資源從新分配,或者可以開拓一啲新嘅方向。

「開源」

開源係需要時間,所以其實一有時間同空間都應該諗點樣去開源。因為你唔知聽日個市場會係點!如果等到業務出現問題嘅時候先至開源,其實或者有啲太遲。其實嚟個係一個好好嘅經驗,因為市場係你永遠預測唔到。往往真係講就容易,但係做就永遠有唔同嘅藉口唔做住,所以有時知道要開源只係個一刻未去到火燒眼眉,就係咁到問題出現嘅時候就太遲了。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]