摩天輪

「人生」

人生就好似摩天輪咁每日都不停係度轉動,有時高,有時低!人生總有起起跌跌,兜兜轉轉或者都會回到起點。係摩天輪入面用另外一個角度睇到自己身處嘅地方。短短幾分鐘由低至高,再由高至低咁又起又跌,但係最終都係會回到起點。所以用摩天輪去形容人生嘅高低起跌真係好貼切!雖然好少坐摩天輪,但係每次坐嘅地點都唔一樣,而每次嘅心情亦都唔一樣。唔知下次再坐嘅時候,自己嘅人生又會係點呢?

「天輪」

你有無坐過摩天輪?當你踏入車廂嘅一刻你係度諗緊啲乜嘢?想用另一個角度去觀賞嚟個世界,定係係度諗人生嘅起起跌跌?每個人係唔同嘅時候都會有唔同嘅感受。當然有人希望係摩天輪入面不斷咁上上落落,無憂無慮咁觀賞嚟個世界,因為知道當離開車廂一刻自己又返回現實嘅世界。摩天輪就好似人生咁樣,起點同終點都係同一個位置,而往往人生就好似坐係摩天輪入面咁起起跌跌。唔知你又鐘唔鐘意坐摩天輪呢?

「高處」

一講到摩天輪,大家一定會諗起陳奕迅嗰首幸福摩天輪!自己都好鍾意嚟首個,尤其入面嘅歌詞!追追趕趕,高高低低,驚險的程度叫畏高者昏迷,憑甚麼不怕跌低!因為人生就係咁,而自己亦都經歷過無數嘅高低起跌。當然有時真係希望可以乜嘢都唔諗,開開心心咁過每一日,只係世事邊度會咁完美呢?希望好快又可以再一次在高處凝望世界流動!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]