真離奇

「案件」

真係百思不得其解,當然發生咗一件咁嘅案件,大家都唔想。一個少女因為俾人搶咗電話,然後去追個賊之後俾人強姦咗,而最離奇嘅地方係案件唔係發生係荒山野嶺,雖然話事發嘅時間係人欄人靜,但係都叫做係市區,點解可以無人察覺到?足足四五個鐘頭竟然無人察覺其實真係好離奇。而最離奇嘅係警方好快捉到個疑犯,但係事隔唔夠一日個疑犯竟然係羈留室自殺身亡!

「離奇」

真係點諗都諗唔明點解個疑犯可以係羈留室吊頸自殺!最離奇嘅地方係個疑犯點樣可以拎到條電腦嘅網絡線再用嚟吊頸?點解呀個羈留室係無閉路電視?點解啲警察發現嘅時候,個疑犯已經氣絕身亡?嚟件案件真係有好多好多令人諗唔明嘅地方!其實而家羈留室嘅設計已經係防止疑犯自殺,所以當知道個疑犯吊頸自殺身亡之後,好多人都會覺得震驚!

「疑犯」

今次案件,警察方面真係叫做好快手咁捉到個疑犯。但係真正嘅法律程序仍然未開始,個疑犯就已經身亡。所以其實案件係完全未終結,因為個疑犯一日未被起訴,一日未被定罪,佢依然仲係一個疑犯。如果你話佢有罪嘅話,其實係法律嘅層面佢依然係一個疑犯,因為佢未被裁定有罪。咁件案會點?當然就因為疑犯身亡,所以應該無嘢再可以跟進以結案。問題係究竟警察捉到嗰個係唔係真正犯案嗰個人呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]