靠專注


個人分享
Tagged With: , , , , , , , , ,

「失敗」

有幾多間公司真係可以稱得上係百年基業?其實真係無幾多間!好多歷史悠久,好有名嘅公司都會有被淘汰嘅一日。係弱肉強食嘅社會企業要不斷尋找出路去面對唔同嘅挑戰。有好多公司其實都試過低潮,甚至乎面臨倒閉嘅危機,而有啲幸運嘅當然可以扭轉形勢,再創佳績。而好多時問題在於專注,如果唔專注咁將自己嘅優勢發揮,唔認清楚個問題嘅話,往往就係導致失敗嘅原因!

「專心」

做任何嘢其實都需要專注,而專注係成功嘅一大關鍵!好多企業都因為不斷發展而忘記了自己當初嘅核心價值。而好多時因為過份分散投資而導致方向模糊,甚至因為唔同嘅業務問題而影響深遠。當然時間巨輪係唔會等你,有時候係需要改變,但係改變唔代表可以唔專注。如果真係無辦法兼顧咁多嘢嘅時候,其實係有必要化整為零,有基本從頭做起,將無關痛癢嘅嘢清理好再專注核心業務。

「管理」

其實過去咁多年,好多科技公司都會遇到同樣嘅問題。不斷轉型,不斷改革,不斷賣盤,不斷收購,其實都係為咗生存。好彩嘅改革成功,唔好再嘅就會變成歷史。相信好多人都知道有好幾個世界知名嘅企業都係咁。而佢哋成功扭轉形勢都係因為夠專注去解決問題。當然要改變就要有一個強勢嘅管理層同領導者。有時或者會覺得佢哋橫蠻無理,但係之後如果佢哋變成英雄嘅話,仲會有人質疑佢哋當初嘅決定嗎?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]