七比三

「比例」

黃金比例係一個數學常數,有嚴格嘅比例性,藝術性,和諧性,蘊藏着豐富嘅美學價值。有好多工業產品,電子產品,建築物或藝術品都普遍應用黃金比例嚟展現佢嘅功能性同美觀性!就正如好多時影相都會用到嘅三七比例,倒啤酒嘅時候應該係三分泡七分酒,飲食應該係三成主食七成纖維!所以其實係好多唔同嘅層面都會應用到嚟個黃金比例。而好多時我哋亦會應用係商業層面!

「黃金」

近年我都會同好多人講數據唔係萬能,亦都唔好所有嘢都依賴數據。平衡係好緊要,因為如果所有決定都要用數據去支持嘅話,所有決策都會好慢,而且會變得死板。但係如果無數據去支撐理論嘅話,所有嘢都係估估下又係另一個問題。所以如果企業可以七成數據,三成創意嘅話,嚟個係利用數據去營運嘅最好比例。而就算係七成數據,其實都無必要得到百分百嘅訊息先至作決定,因為只會延誤自己嘅決定。

「平衡」

好多管理層都睇過著重一啲無關痛癢嘅細節,當然重視細節唔係一件壞事,但係當你要做一啲決策嘅時候,係唔係真係有必要掌握所有訊息?就算俾你有晒所有資訊,係唔係會作出唔同嘅商業決定?現今嘅環境實在變得太快,因此當你掌握到所有資訊嘅時候,分分鐘個市場已經改變咗。所以其實唔需要追求百分百嘅訊息先至做決定,因為要行得快變得快,就算錯咗都可以好快重新嚟過!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]