紅十字

「機構」

香港紅十字會由一九五二年開始推動無償自願捐血活動,係香港唯一提供血液俾全港醫院病人使用嘅機構。輸血服務中心由一九九一年十二月起撥歸醫院管理局管轄,醫管局透過撥款維持輸血服務中心嘅日常開支。中心每年平均分發超過四十多萬單位血液成份製品給予全港醫院病人使用。如果無人去捐血嘅話,其實當遇上重大事故嘅時候,香港嘅醫院就未必有足夠嘅血液用嚟救人。

「捐血」

點解呼籲市民去捐血都要俾人鬧?係唔係大家反應過大?每個人都有捐血同唔捐血嘅自由。如果你唔去捐血係無人迫到你!但係真係無必要將一個社交媒體嘅文章放大!其實只係呼籲市民去捐血,但係香港幾時變到咁呢?就連一篇文都要扭曲佢!如果個個都咁自私嘅話,咁萬一真係發生事起上嚟,邊度可以有足夠嘅血液救人?世事無常,無人知下一秒會發生乜嘢事!

「災難」

睇過段文其實真係無乜嘢!「如果四天後急需接受輸血治療的是身邊人,仍然與你無關嗎?」咁都叫做威嚇?其實只係話如果比著你遇到咁嘅情況之下,你又會點呢?意外就係意料之外,無人可以估計到!有時你以為好安全嘅嘢都會發生意外,而當意外發生嘅時候都有機會需要輸血俾傷者。但係一篇文章竟然掀起咁嘅風波,真係香港嘅災難!嚟個城市真係越來越陌生!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]