澳門遊

「五一」

經過上次復活節長假期嘅之後,咁個長假期決定近近地出走去澳門兩日,事關香港真係無嘢做。對上嗰次去澳門應該係同老婆去澳門做嘢之後我哋去玩!原來唔經唔覺真係好多年都無去過,而今次就多咗郭大少一齊去!但係今次再去嘅感覺真係好唔同,唔知係唔係因為多咗郭大少嘅關係,去嘅地方自然唔同咗。不過今次我哋無去啲旅遊區,或者嚟個係其中一個原因!

「長假」

今次去澳門係因為唔想係香港過長假期,而今次五一勞動節好似無復活節咁多人,或者唔係個個都請多日假?但係氹仔真係變咗好多,真係好多酒店!而啲酒店真係好鬼大,只不過究竟而家仲賺唔賺錢呢?啲店舖真係無人行,而入去賭場基本上都無乜人玩啲大投注額嘅枱,而且真係比以前靜好多。不過親子就真係唔錯,因為有好多兒童設施比小朋友玩,所以一家大細去係唔錯嘅選擇。

「澳門」

今次嘅澳門遊淨係留咗係氹仔嗰邊,因為澳門嗰邊真係人多路窄,根本就連嬰兒車都未必行到。只不過氹仔真係有好多,好多,好多酒店!多到同大到一個可怕嘅地步!其實澳門真係需要咁多酒店咩?有啲仲係度起緊,真係摸不着頭腦,點解一個咁細嘅地方要不斷起賭場同酒店。如果無咗嚟啲酒店,澳門又會變成點?
除咗旅遊業之外,其實真係乜都無!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]