中小企


個人分享
Tagged With: , , , , , , , , ,

「生意」

好多人做生意其實都想同一啲大企業合作,但係係唔係大公司就一定好?老實講大公司有幾多間?係香港大部份嘅公司都係中小企,而好多時好多人就忽略咗嚟一點。不過最令人頭痛嘅係點樣先至可以搵到嚟啲中小企呢?當然有啲人怕煩,因為通常收費唔可以太高,而有時咁唔好彩遇到啲奇怪嘅公司,分分鐘做蝕本生意。當然營運模式亦相對唔同,所以我仍然未諗到點樣可以用數據幫到佢哋。

「開發」

其實咁多年嚟我都好想開發中小企嘅數據分析市場,但係去到某啲位置,就會問佢哋真係會重視數據嗎?如果啲大公司都未開始用數據嘅時候,咁中小企又點會去嘗試呢?當然另一個係費用嘅問題,因為收得貴又未不得,收得平分分鐘會無錢賺仲要做到傻咗。不過有啲公司就係貴多不貴精,只要肯俾錢就得。有時係咖啡室聽到其他人真係諗住呃啲老闆,所以有時真係俾嚟啲人玩死自己嘅行業。

「回報」

講真中小企好多時都好實在,而最緊要嘅當然係投資同回報。只不過數據唔係可以立刻睇到效果,所以要令中小企理解數據嘅重要性其實係一件幾頭痕嘅事。當然有時係唔同嘅講座都會遇到唔同嘅中小企,而好多時佢哋真係好睇投資同回報。如果有一啲嘢可以令數據分析嘅門檻降低當然好啦,只不過真係好難,除非真係去呃啲中小企啦。但係有時真係有遇到啲呃呃氹氹嘅人,就係咁個市場就比佢哋玩死咗!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]