無反機


個人分享
Tagged With: , , , , , , , , ,

「相機」

其實好多年前我已經開始用無反機,原因好簡單,因為部機細而且可以做到大機嘅功能。當然以前嘅無反機仲未有全片幅,所以仲未好普及。當然相機嘅鏡頭亦都係另外一個考慮嘅因素。不過講真如果去旅行就真係好方便,因為唔想用嗰啲卡片機,而帶啲大機又好鬼重。所以買咗第一部大機之後就已經轉咗用細機。不過而家啲無反機真係越嚟越勁,基本上已經超越傳統大機!

「索尼」

我係一個索尼嘅粉絲,基本上所有嘅相機都係索尼嘅出品。由佢哋啱啱出無反機開始,基本上不斷升級。而幾年前佢哋出咗全片幅嘅旗艦機之後真係再無理由去買大機。至於鏡頭就當然係要買蔡司啦!因為影出嚟嘅相真係好靚,所以我基本上當有新嘅鏡頭一出我都會買。而上個星期佢哋又出咗新嘅旗艦無反機,而相信索尼自此之後應該再唔會出大機,因為部新機嘅級數真係太勁!

「競爭」

當然好多其他牌子都有嘗試搶佔無反機嘅市場,但係索尼真係發展得早而且可以話遠遠拋離佢嘅對手!而家基本上就連大機嘅市場都慢慢吞食埋,而原因當然係因為相機嘅體積,功能同拍攝力都已經超越好多品牌。所以無反機係趨勢,而好多職業攝影師都慢慢由大機轉去無反機。當然每個人嘅喜好都唔同,有啲人仍然鍾情於大機,只不過如果重量輕好多但係其他方面就算差少少嘅話,老實講真係無理由唔轉用無反機!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]