張志明

「春嬌」

如果大家睇晒《春嬌與志明》,《志明與春嬌》同《春嬌救志明》嘅話!你會唔會覺得自己係張志明或者係余春嬌?當然兩個角色都係好寫實,但係用一個男人嘅身份去睇張志明嘅話,有啲位係認同嘅,不過亦有啲位就未必啦。一段關係唔係單方面付出就可以,有好多嘢都隨住時間而改變,所以雙方要不斷磨合先至可以不斷維繫雙方嘅感情。而張志明係唔係一個長唔大嘅細路?真係見仁見智!

「志明」

相信大家都會把握今個長假期去睇《春嬌救志明》,而相隔五年究竟會唔會無之前兩集咁好睇?如果你未睇嘅話我就建議你快啲去買飛睇!因為真係好好笑!咁除咗好笑之外就當然係因為成個系列都好貼地!睇完之後除咗笑之外,其實亦反映咗好多情侶每日面對緊嘅問題。如果你已經睇咗嘅話唔知你又有無共鳴呢?每段關係都會係咁,無論過咗幾多年都好,其實都會有唔同嘅問題。

「感情」

其實要兩性站係對方嘅立場去諗嘅時候係好難嘅事。永遠有啲位係永遠都唔會明,因為雙方處理問題嘅方法都會唔一樣!所以誰是誰非其實係無一個答案。所以唔好再問如果你係張志明你又會點?如果你係余春嬌你又會點?因為每段關係都唔同!當然搵到一個鍾意嘅人係好難,更難嘅係點樣可以維繫一段感情。但係就算幾難都好,感情係建基於喜怒哀樂,高低起跌!經得起考驗嘅感情先至會可以維繫一生!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]