廿一個


個人分享
Tagged With: , , , , , , , , ,

「長大」

小朋友一個月一個月咁成長,時間真係過得好快,快到一個地步上年仲係爬爬下,今年就已經識行識走。過多幾個月就已經兩歲,開始返學,真係想像唔到!當然見到自己個仔一日一日長大真係好難去形容,原本係一個食飽就瞓,瞓飽就食嘅嬰兒,到而家所有嘢都有自己嘅主見,有自己嘅要求。有時真係唔想佢大得咁快,因為到時就唔會再黐實我哋。

「廿一」

郭大少又第一個月,再過多幾個月就兩歲,但係近排就開始越嚟越茶煲!所有嘢都話唔好,好有自己嘅意見!啲人話兩歲嘅小朋友會好茶煲,我而家信啦!不過有時佢又真係好好笑!最好笑嘅係佢數一至九,因為有幾個字講到好似外國人講中文咁。另外一直想買平衡單車比佢,點知最後都買咗滑板車。最勁嘅係我哋無教佢,佢都自己唔知點解識得玩!而家啲小朋友嘅學測能力真係強!

「不同」

每個小朋友都有自己嘅長處同短處,與此同時每個小朋友都有自己嘅性格,所以點解要比較呢?如果自己都唔企係自己嘅小朋友嘅話,其實對佢哋有何長遠嘅影響。每個小朋友嘅發展都唔同,有快有慢,就算同一日出世到未必個個一模一樣樣啦!今日唔識唔代表聽日唔識,就算而家好又唔代表大咗都好,所以最緊要嘅唔係佢哋識幾多嘢,而係小朋友本身嘅健康。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]