未知數

「未知」

人生本來就係充滿未知,如果樣樣都知嘅話咁就唔會係人生。當然每個人遇到好多未知嘅時侯都會不安,甚至乎產生恐懼。但係如果當未知變成已知嘅時候,下一次再遇到相同嘅情況就唔會出現同樣嘅情況。大家又會點樣去面對自己嘅未知?好多時都係見步行步,希望慢慢得到答案。如果因為恐懼而唔去搵出答案,其實只係逃避問題,而唔係解決問題。所以有時要勇敢面對,因為可能會帶比你意外嘅收穫!

「創業」

前幾日見到位朋友寫咗一篇關於創業嘅文章,佢提及到做生意有兩種未知數。而好多時創業就係咁,有好多未知數,而每個未知就係大部份人會期待嘅嘢!有啲係興奮,有啲係沮喪,甚至每日都係膽顫心驚咁過每一日!創業本身好係一個未知,有啲成功,有啲失敗,有啲要轉型,有啲要堅持!生活係一個未知嘅環境其實有時係會不安,但係當不安嘅問題得到解決嘅時候自然就會變得輕鬆!

「人生」

人生就係有無限嘅可能性,而無限嘅可能性就係充滿無限嘅未知,因此就因為有無限嘅未知而有無限嘅結局!當然好多人會選擇淨係生活係已知嘅世界入面,最大嘅原因係嗰份安全感!唔係個個人都經得起風浪,而有啲人係因為經過風浪而選擇安穩嘅生活。雖然人越大係應該越知道點樣去面對未知,但係就往往因為人大咗,顧慮多咗,反而先至會追求安穩。所以人生閱歷越多嘅人唔一定鍾意新會係未知嘅環境!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]