滑板車

「滑板」

滑板車係一個擁有兩個轆或以上嘅小平台,佢係靠使用者蹬踏地面而前進。而家最常見嘅滑板車都係兩個滑板車為主,為咗減輕滑板車嘅重量,所以車架主要係由鋁製成。不過有啲滑板車有三個或者四個轆,一般都係設計俾年紀較輕嘅小朋友,因為佢哋未學識平衡。有啲滑板車亦都會用塑膠製成,而有啲亦都為咗慳位,所以可以將㗎滑板車摺埋。當然仲有一啲係用嚟玩花式之用,所以真係五花八門!

「單車」

我哋細個嘅時候好似真係無見過滑板車,通常一係就係滑板,一係就係單車,邊度有滑板車㗎?不過而家經常喺公園見到啲小朋友都係玩滑板車多!或者香港地方細,所以喺屋企擺㗎滑板車一定好過擺㗎單車。而家啲滑板車都真係有幾多款式,小朋友其實歲半開始都已經可以玩。而除咗滑板車之外,其實而家啲小朋友仲有另外一種新嘢玩,就係滑步車啦!好似單車咁只係無咗腳踏同剎車。

「歷史」

真係唔講唔知原來滑板車嘅歷史係咁悠久。因為最少有一百年嘅歷史!而最早期係喺工業化嘅城市手作而成!一種最常見嘅手工製作滑板車係將滾軸溜冰鞋嘅轆安裝係一塊板嘅下面,然後再安裝上把手,依靠傾斜身體或者由第二塊板連接嘅簡陋樞軸來操控方向。以前一般滑板車都會用木製成,直至到九十年代未,滑板車係美國開始流行,之後嘅款式就越出越多。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]