葉繼歡

「賊王」

好多人都係度討論一代賊王葉繼歡因為癌症去世,而咁啱最近嘅香港電影金像奬獲得最佳電影嘅「樹大招風」亦都係用香港一代賊王作為藍本。當然犯咗法就會受到應有嘅法律制裁!葉繼歡出生於廣東海豐,十七歲偷渡嚟到香港,係香港出名嘅罪犯。佢曾經犯下嚴重嘅械劫案,外號大賊,賊王,同一度成為頭號通緝犯。因為係一九九六年再一次返香港企圖犯案嘅時候落網,下半身中槍導致終身癱瘓。

「打劫」

記得以前啲人會講,行街唔好行得咁近啲金舖,因為唔知幾時有人拎住支槍去打劫!雖然近年喺香港發生持械行劫嘅情況相對八九十年代少,但係真係好難想像當年有人係鬧市揸住支槍打劫。如果今時今日你行行下街嘅時候遇上當年咁嘅狀況,相信你都會好驚。雖然而家話就話少咗搶劫,只不過而家大家最怕嘅一定係恐怖襲擊,事關有時真係防不勝防!

「轟動」

葉繼歡逃獄匿藏兩年之後,一九九一年六月九日再一次係觀塘物華街連環行劫金行。葉繼歡同另外五名兇悍匪徒,分別持有四支AK47自動步槍同多支手槍,與此同時身上亦著有避彈衣!佢哋係有計劃同有組織咁先係港島銅鑼灣區劫持一架客貨車同人質,之後駛過觀塘物華街,然後連環搶劫五間珠寶金行。佢哋亦曾經與到場圍捕嘅警員發生激烈槍戰,雙方駁火逾40槍後逃脫。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]