抗逆境


個人分享
Tagged With: , , , , , , , , ,

「人生」

人生就一定有順境同逆境嘅時候,而順境真係要做好逆境嘅準備。所有人都唔希望處理逆境,因為問題真係多到你唔信,有時甚至乎唔知點樣去處理!逆境嘅日子係好難過,但係過咗就慢慢回覆正軌,而好多嘅負面情緒就自自然然會消失。有時最慘嘅係唔知點開口同人講自己嘅問題,因為通常都唔會明。有時就算佢哋聽完其實都無幫助,事關佢哋都幫唔到啲乜!

「逆境」

真係好耐無試過抗逆境,當你一帆風順嘅時候好多時都會漸漸忘記點樣去處理逆境。講到明係逆境就當然所有嘢都係背道而行,仲要唔係單一嘅問題。就好似身邊有好多炸彈同時間要你拆。最慘嘅有時處於內憂外患嘅狀態,所以好多時都唔知係邊度入手。可以做嘅就係先將緊要嘅拆咗先,簡單嘅拆咗先。所以抗逆境真係好似啲拆彈專家咁,睇下邊個急啲同易啲去拆!

「決定」

有時只要做錯一啲決定,其實就好容易有順境變成逆境。但係自己嘅決定係要自己去承擔,到最後因為個選擇權係自己嘅手中。做咗嘅決定係無辦法返轉頭,所以是好是壞無人會知道,到最後個結果係點都係自己要解決。只不過唔係個個炸彈都可以咁容易去拆解,所以有時真係會好易意引爆一啲新嘅問題而連自己都唔知可以點樣解決。有時真係會感到好無助,同自責因為係自己嘅問題。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]