流鼻水

「天氣」

香港近日嘅天氣真係非常反常,其實已經有一兩個月無試過鼻敏感,但係啲天氣真係搞到鼻敏感又發作。如果只係流鼻水我就真係無所謂,但係一敏感,好多時都會引致頭痛,與此同時個人真係好攰,基本上真係無辦法可以專心做任何嘢。所以我真係好憎鼻敏感,因為真係好攰同無辦法集去中做嘢。唔知大家有無鼻敏感,但係如果有嘅話,不妨大家分享下你嘅解決方案!

「敏感」

其實鼻敏感真係好煩,因為啲鼻水真係好似好水喉咁,係咁流係咁流。所以啲盒裝紙巾真係用得好快。返咗嚟香港之後,自己嘅情況真係嚴重咗。而家有時連眼都有少少敏感,最慘嘅就係食咩嘢藥都唔得。以前瞓完覺之後都會無事,但係依家真係一敏感就幾乎會連續兩日都會敏感。真係好想知道點樣可以斷尾,事關真係好影響日常生活。鼻敏感真係一件好煩嘅事,相信好多人都會明!

「投降」

老實講我真係唔知可以再做啲乜嘢令鼻敏感可以舒服啲!有時如果係屋企真係連抹到費事,因為真係誇張到一隻手拎住紙巾,一隻手做嘢,過幾分鐘張紙巾都已經濕透晒,事關啲鼻水真係好似開咗水喉咁流出嚟,所以張紙巾真係分分鐘可以揸得出水。我而家基本上對鼻敏感投晒降,真係完全辦法控制到。最慘嘅係佢話嚟就嚟,毫無先兆就會係咁流鼻水,真係人都癲!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]