有無獎

「聲譽」

又到咗一年一度嘅香港資訊及通訊科技獎,而對於近年有獎項嘅問題同爭議,希望今年再唔好發生。作為一個個認受性甚高嘅獎項,如果因為某啲問題令到認受性下降,最終損失嘅係比賽主辦單位嘅聲譽同香港獎項係國際嘅認受性。所以如果今年就發生往年嘅事件,到最後個比賽嘅意義就會慢慢失去。變相有無獎項都唔緊要。其實係外國都有類似嘅問題,希望我哋香港嘅獎唔會淪落到絲毫不直嘅地步!

「獎項」

當然有獎囉就緊係開心啦,因為默默耕耘係時候得到認同。只不過有獎又點,無獎又點?有獎唔通就唔洗做?當然獎項嘅認受性係其實最緊要,如果唔係獎只係一樣毫無價值嘅擺設而已。當然自己公司亦都有參加過唔同嘅比賽,亦都得過唔同嘅獎項,只不過係唔係真係會多啲生意?咁又真係好似無!所以有獎無獎唔緊要,而攞獎始終係一件開心嘅事,但係無獎亦都唔代表唔成功!

「初創」

獎項對於好多初創公司起到一個指引性嘅作用,因為好多公司仍然係起步階段,拎到獎其實對整體嘅士氣係有幫助,與此同時亦對公司嘅方向打咗支強心針。係亞洲好多地方,獎項對好多客戶嚟講獎項係一種認受性,一種信心。所以獎項係會有短暫嘅幫助,但係到最後都係要靠團隊嘅管理同營運先至可以成功。其實有獎無獎唔係重點,因為好多初創期公司都無拎過任何獎項但係亦都可以好成功。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]