鄭俊弘

「花生」

鄭俊弘一直都係喺無綫做啲二三線嘅演員,佢真係直至到「星夢傳奇」先至多咗人識佢!當然無綫缺人係事實,所以就連之前嘅「超級巨星」嗰啲人都要用埋。或者係咁嘅原因造就咗鄭俊弘同何雁詩嚟對情侶。當然局外人就好難評論邊個啱邊個錯,只不過今次好多人都真係食緊花生,睇緊戲。相信各大報章雜誌都應該仲有排寫嚟單嘢!

「娛樂」

其實你唔講我都真係無留意嚟單新聞,因為唔知點解真係少咗好多娛樂新聞係我啲社交媒體出現。不過今次嚟單嘢真係峰迴路轉咗啲!啱啱先至接受完訪問話唔係拍拖,轉個頭雜誌就出咗佢哋嘅拖手片段,跟住今日就索性用行動去話俾全世界聽其實原來真係拍緊拖。真係一日唔死都有新聞!講真係唔係賤男都唔係重點,而係點解當初唔一早認咗佢呢?

「方將」

其實我真係對嚟兩位人士無乜好感,或者佢哋真係已為自己係大明星啦,只不過現實係唔係就另一回事!最好笑嘅就係無人會諗過啲劇情會發展得咁快,相信大家都會有一排會見唔到嚟兩位朋友。方將真係好小氣㗎嘛,佢哋一時一樣,依家又俾人話一個係賤男,一個係小三。睇怕今次佢哋將會被人雪藏一段時間!真係祝佢哋好運啦!


Also published on Medium.

Comments are closed.