人際學

「人際」

相信好多人都會聽過「識人好過識字」嚟句說話,但係淨係識得人多就得?非也!因為就算你識得人多唔代表人哋會記得你。通常人哋記得你都不外如兩樣嘢,一係你有某啲過人之處或者價值,一係你就有得罪人多稱呼人少。不過好多時人際關係又唔一定只係停留係利益嘅層面,而嗰啲人脈先至係最緊要,因為最起碼大家唔會去計算自己嘅利益。只不過係人生入面又會有幾多個嚟啲人存在?

「關係」

有啲人覺得係大公司做嘢只係打一份工,但係如果有機會去接觸唔同層面嘅人,其實嚟個先至係最大嘅得著。而當中如果可以建立一定嘅人際關係嘅話,相信嚟個會係最大得著。同唔同嘅人處事,不論係自己嘅團隊或者係客戶,其實最終你想人哋點樣記得你?無可厚非當然係自己嘅能力,因為如果得到唔同層面嘅人認同你嘅話,相信相隔幾多年都好,人哋都會記得你!

「幸運」

老實講自己都算幸運,因為工作嘅原因,係咁多年嚟認識咗唔同國家同唔同公司嘅人。有啲到咗今時今日都依然記得我,而且仲有一啲保持一定程度嘅聯絡。所以係大公司做嘢唔一定「人走茶涼」嘅。當然唔到最後一刻自己都未必會用嚟啲人際關係,只不過猛虎不及地頭蟲,有時有啲嘢都真係需要其他國家嘅人脈先至可以掌握當地嘅情況。如果想開拓其他市場嘅話,嚟啲人脈真係唔可以少得!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]