談種票

「選舉」

其實係世界國地嘅選舉入面,或多或少都有種票嘅情況。為咗達到目的,為求當選,真係乜嘢方法都會用,而大部份都係同利益,金錢有關。當然最直接嘅就係賄賂啦。不過好多地方嘅法例為咗保障有個公平公正嘅選舉,所以任何選舉舞弊都屬於違法。係香港亦都唔例外,只不過有時真係無佢哋辦法,因為真係無辦法去舉證。所以有時明知有種票嘅情況,但係真係就無從入手。

「種票」

上年嘅立法會選舉亦都懷疑有種票嘅問題,而廉政公署較早前接獲投訴指,有人涉嫌喺上年立法會資訊科技功能界別選舉中舞弊。經過調查後,廉政公署拘捕七十二名報稱為資訊科技界嘅選民。作為一個資訊科技功能界別嘅選民,當然唔希望自己嘅界別有啲咁嘅情況出現,但係無可否認嘅係因為有人為咗達到目的,真係無所不用其技。如果唔係無啦啦點解嚟個界別嘅選民突然會飆升呢?

「公正」

其實要做功能組別嘅選民真係可以好簡單,亦都可以好複雜。真係好睇嗰個功能組別嘅要求,而又有啲功能組別真係幾得意,因為當你以為嗰啲人係某個職業就應該有份投票,只不過偏偏佢哋就係無得投。其實香港係唔係應該重新檢視究竟點樣先至可以成為功能組別嘅選民呢?除非功能組別取消啦,如果唔係以後都只會不斷出現種票嘅問題,而所謂嘅選舉仲會係公平公正咩?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]