被裁員

「裁員」

基本上絕大部份嘅人都會有被裁員嘅機會,因為無一間公司無一份工係可以打一世!當然以前啲工真係有可能打足一世,但係依家嘅環境好唔同,經濟唔好真係隨時俾人裁員。當然年紀亦都係一個好緊要嘅因素,因為經驗多就等於人工高,好多公司都會由高成本低效益嘅地方著手。所以好多時都會聽到啲人話中年危機,俾人裁員嘅機會就越來越高!有時要再搵返份工真係會有啲難度。

「中年」

好多時公司為咗要節流,第一樣嘢就係裁員。慶幸嘅係自己做嘢咁多年都仲未試過俾人裁員,但係大公司一般嘅做法都係先裁啲經驗豐富同年資較長嘅人。原因好簡單,就係裁咗個高人工嘅再升返一個年資較少嘅人。咁一來就減輕公司嘅負擔,二來年輕嘅一般上進心比較強學嘢能力又比較快。所以人到中年,俾人裁員嘅機會就會越高。其實邊度有咁多鐵飯碗,唔想被裁員當然要不斷自我升值,等公司覺得你有價值!

「金融」

有時真係好唔明啲金融機構,點解裁員首先裁啲資訊科技嘅人先。唔通佢哋以為將所有野外判出去就得?要慳錢講真外判未必一定會平,只係公司想減少長遠嘅負擔。但係講真乜處理金融機構日常運作嘅唔係唔同大小嘅系統,而要開發,營運同管理嗰啲系統程式乜唔需要資訊科技嘅人才咩?所以真係諗唔明,如果個系統有一日死咗嘅話,佢哋要幾耐先至可以修復嗰啲系統呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]