道德線


個人分享
Tagged With: , , , , , , , , ,

「道德」

道德係指衡量行為正當嘅觀念標準。唔同嘅對錯標準係特定生產能力,生產關係同生活形態下自然形成。一個社會一般有社會公認嘅道德規範。只涉及個人,個人之間,家庭等嘅私人關係嘅道德,就叫做私德。而涉及社會公共部分嘅道德,就叫做社會公德。道德同文化有密切關係,雖然人類嘅道德係某啲方面係有共通性,但係不同嘅時代,不同嘅社會,往往有一啲不同嘅道德觀念。

「標準」

做任何嘢都應該有一條道德嘅底線,如果過咗嗰條底線嘅話,其實基本上係唔會得到其他人嘅認同。當然每個人嘅道德底線都有唔同,而係一個社會入面都有自己嘅一套道德觀,有時就算自己覺得無問題,但係因為嗰條係社會嘅道德線。咁乜嘢係道德標準?尤其係做生意嘅時候,條標準應該點樣定?點解有啲人出嚟呃完錢之後,又突然話過唔到自己,仲將責任推卸俾其他人。真係無嘢好講!

「咖啡」

如果大家仍然記得之前香港有一間公司成功係網上集資製造智能咖啡機,而到今時今日佢哋仍然仲未成功研發,莫講話生產,就連一部正常營運嘅貨辦都未有。而其中一位營運者前幾日突然係網上發表文章話自己已經辭咗職,原因係話要向一個充滿謊言及欺騙嘅世界講再見。講真而家先至話無辦法接受嚟種欺騙行為係唔係遲咗啲呢?香港初創嘅聲譽就係咁俾佢哋損毀咗。佢哋嘅道德底線又有機底呢?


Also published on Medium.

Comments are closed.