無野睇


個人分享
Tagged With: , , , , , , , , ,

「沮喪」

有時做數據分析都真係會令人幾沮喪,因為用咗好多時間去整理數據,而到咗做分析嘅時候其實真係無乜嘢睇。嚟個係好多企業嘅錯覺,就係用咗咁多時間去整理數據,點都應該有啲特別嘅嘢睇到。只不過現實係有可能做完得個吉!當然有時真係唔介意去花時間去整理,只不過有時真係好睇目的。因為所有嘢都應該由一個問題開始,然後先至決定用邊一組數據,最後先至整理。

「敷衍」

做分析真係唔係次次都可以搵到一啲有用嘅數據,最怕嘅就係無嘢可以分析返俾個客,而個客又會覺得我敷衍佢。當然我都無可能寫包單一定有嘢睇,因為好多時都真係已知嘅事實。當然如果係收集數據嘅時候就已經知道收集目的係會事半功倍,最起碼唔使浪費大量嘅時間去整理數據。有時就算做咗咁多年,自己都真係灰灰地,不過嚟個都係樂趣因為如果次次都搵到未知嘅嘢咁就唔好玩啦!

「耐性」

我經常性講,做數據分析唔一定係要數學奇才,因為有啲嘢唔係話你計得叻就代表有用。反而真係需要嘅係耐性同觀察力!有時啲數據真係多到到都暈,最慘嘅有時候真係去到要做分析嘅時候先至知道有無嘢錯。就算你有工具幫手都無用,因為如果一開始就錯咗就基本上要從頭嚟過,真係無啲耐性都唔得!所以數據分析真係一份幾折磨但係同時又會有滿足咁嘅工作!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]