廿個月


個人分享
Tagged With: , , , , , , , , ,

「健康」

今個月真係發生咗太多嘢,因為月頭郭大少連續發咗幾日高燒,之後因為擔心佢所以佢定同佢入院以防萬一。之後醫生確診為「皰疹性齦口炎」,而佢最終係醫院住咗三日兩夜,就係咁我同佢一樣都係第一次係醫院過夜!對於一個咁細個嘅小朋友要係醫院過幾日真係幾辛苦,見到佢連最鍾意食嘅嘢都唔肯食真係唔知點算好,而做父母嘅就當然係希望小朋友健健康康咁成長啦!

「米妮」

話咁快郭大少已經二十個月大,嚟位小朋友越嚟越多嘢講,越嚟越多要求,越嚟越貪玩。不過可以陪伴佢同見到佢一日一日長就已經心滿意足!有時真係希望佢唔好大得咁快!依家郭大少最鐘意嘅就係米妮,見到佢就超級興奮,所以今日返完學之後就帶咗佢去迪士尼玩!平時叫佢影相真係難過登天,不過今日有米奇同米妮拖住佢影相,佢就企定定俾我哋影,真係激死人!

「成長」

一如以往要嚟位小朋友坐定定食嘢係有啲難度,而家最鐘意嘅就係烏冬,佢有時真係一個人可以食晒一碗大人嘅份量。所以近排因為佢鍾意食烏冬,好多時我哋去搵地方食嘢嘅時候都要睇下有無烏冬先至去幫襯。或者每個小朋友都係咁,去到呢個年紀就鍾意周圍走,有時佢真係可以自己走咗去唔理我哋,所以同佢出去都真係要睇到實。雖然好多時佢都要我哋抱,只不過講真仲可以抱多佢幾耐呢?小朋友成長嘅速度真係驚人!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]