賽車場


個人分享
Tagged With: , , , , , , , , ,

「賽車」

係香港玩車就好似唔見得光咁,莫講話改車,要享受駕駛嘅樂趣都真係幾難,因為香港啲路真係好差!至於賽車方面,其實係香港真係好難去發展,因為唔似得其他國家咁有自己嘅賽車場。如果有人想成為賽車手嘅話,最起碼都要有個地方可以用作培訓同練習。香港莫講話無賽車場,就連小型賽車場都無,如果真係要玩嘅話,最近都要去到珠海或者肇慶嘅賽車場。

「行業」

其實香港有無條件發展賽車行業?答案就梗係有啦!或者你唔知香港有幾多個職業賽車手,但係唔代表香港無賽車手。有好多都係去到亞洲唔同地方參與賽事,當然大家或者最熟悉嘅係每年嘅澳門格蘭披治大賽。上年香港好慶幸,終於係中環舉行咗第一次電動方程式嘅賽事,而今年亦都會係十二月舉行。只不過香港仍然未有一個正規嘅賽車場,嚴重影響香港賽車運動嘅發展!

「興建」

政府積極發展大嶼山,其中欣澳將透過填海六十至一百公頃,發展成為區域娛樂及商業樞紐。香港汽車會認為香港缺乏大型賽車場,建議係有關填海用地上興建國際級賽車場,以推動賽車運動發展同增加本地旅遊商機。有關建議已獲得部分立法會議員支持,但仍處於初步討論階段,現正考慮同政府商討可行性方案。如果香港真係有自己嘅賽車場就好了!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]