黑心肉


個人分享
Tagged With: , , , , , , , , ,

「巴西」

香港作為巴西最大肉類進口商之一,好多唔同嘅超級市場都會出售巴西入口嘅肉。巴西有關當局揭發出口商出售腐爛及含致癌肉類,而涉事嘅肉商經然多達二十一間!好多國家知道咗事件之後都相繼暫停進口巴西肉類,並且將啲貨品扣留係各大港口。根據統計處《香港商品貿易統計進口》顯示,過去三年本港進口巴西嘅凍肉,包括冷藏牛肉,豬肉,羊肉,家禽等,佔所有來源地總入口量約四成。

「黑心」

唔係呀話?當大家以為中國同台灣嘅食品都有質量嘅問題嘅時候,今次就連巴西都有黑心肉出口到世界唔同各地。就連中國都話要限制進口,可想而知今次事態真係非常嚴重。點解啲人可以咁無良心,將啲腐爛同有致癌嘅肉類出口?係唔係以為出口之後就無人知。講真雖然話今次巴西揭發事件,但係有無機會係未揭發事件嘅時候大家就已經食咗落肚呢?

「調查」

當然而家最好嘅辦法就係一見到巴西嚟兩個字就要避之則吉啦!有時自己都會買巴西雞翼,因為通常都大隻啲。相信好多人都因為今次黑心肉風波而有排都唔會買巴西出口嘅肉。最估唔到嘅就係原來巴西警方用咗兩年嘅時間去調查,咁係唔係代表事件其實已經發生咗好耐?如果係咁嘅話,即係我哋有幾會係過去兩年已經食咗嚟啲黑心肉。點都好,其實買任何嘢都真係要睇清睇楚,如果唔係食咗落肚就大件事。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]