美女與

「電影」

相信好多人都睇過《美女與野獸》呢套經典卡通片!最近嚟套卡通片再一次係大銀幕上演,只不過今次係以真人同電腦特技動畫所拍攝嘅一套電影。雖然入面有啲情節同原著有啲出入,但係啲歌舞真係拍得好好睇。當然最受矚目嘅就係由愛瑪屈臣擔任女主角啦,因為好似自從哈利波特之後,今次係第一次睇佢主演嘅電影。另一方面就當然係比較下《美女與野獸》同《星星夢裡人》啦!

「角色」

睇完《美女與野獸》之後其實認真覺得愛瑪屈臣(Emma Watson)係比較識合擔演嚟套係嘅女主角多過《星星夢裡人》。當然兩套電影都係有音樂劇嘅元素係入面,但係《星星夢裡人》個角色係需要多一啲人生經歷嘅演員,而《美女與野獸》係需要一個帶有少女情懷嘅演員。雖然貝兒嚟個角色某程度上有少少似哈利波特入面妙麗嘅角色,不過認真覺得係好識合愛瑪屈臣!

「歌曲」

其實我都幾鍾意《美女與野獸》入面嘅歌曲,有好幾首歌我都記得入面嘅歌詞。仲記得以前係學校嘅合唱團都有唱過入面嘅歌曲,話者係咁嘅原因自己都睇得比較投入。今次除咗將傳統迪士尼嘅卡通片變成真人主演之外,當然最好睇嘅都係歌舞劇嗰啲地方!當然大家都知道故事講乜,所以基本上可以好專心咁欣賞啲細節。感覺上嚟套比起其他有真人主演嘅卡通片電影都好唔同,如果你未睇嘅話,你一定要入場睇!


Also published on Medium.

Comments are closed.