打保齡


個人分享
Tagged With: , , , , , , , , ,

「保齡」

如果你問我邊樣運動我最鍾意嘅話,保齡應該都係其中一樣。最變態嘅時候真係一個星期打兩三日,次次都最少打十局先先至走。由最基本開始打直球到之後打曲球,由租保齡球場嘅裝備到有自己嘅裝備。真係要鍾意嚟項運動先至會買一個屬於自己嘅保齡球,甚至每次打波都要拎嚟拎去。除非租用保齡球場嘅儲物櫃暫存啲裝備咁就唔需要次次都拎返屋企,因為都真係幾重!

「場地」

自從返咗嚟香港之後,打保齡嘅機會真係少咗好多。事關打一局保齡都唔平,而且係香港真係唔係好多地方有保齡球場。如果想打保齡都要去到好遠嘅地方先至有得打。亦都係因為咁所以好耐無打過保齡,就連自己個保齡球都已經發晒霉,兼且咁多年都已經老化唔用得,所以最後係搬屋嘅時候棄置咗。相信而家叫我再打返一定無以前打得咁好,甚至乎連拎起個十四磅嘅保齡球都或者未必得。問下我老公先!

「運動」

當然好多人話保齡球嘅運動量少,但係其實正正相反。不過保齡球嘅好處係你自己一個都可以打!就算風吹雨打都無問題,因為始終場地係室內。其實保齡真係易學難精,唔係淨係靠蠻力就得,同時要保證自己每次出球嘅方法一樣,所以職業球員係要不斷重複咁去練習。另外好多大嘅而最重要就係保齡球嘅球道係因為條條唔同,有啲快啲,有啲就,好視乎當日嘅!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]