信任你


個人分享
Tagged With: , , , , , , , , ,

「團隊」

相信好多人今日都係度討論一個人,嗰個就係肥仔聰。邊個係肥仔聰?當然係講緊薯片叔叔做財政司司長嘅時候嗰個政治助理,羅永聰啦!其實點解大家會咁關注「阿聰」?其實事源係較早前嘅特首選舉論壇,奶媽突然係台上大讚「阿聰」管理社交網頁有道,仲講笑咁話如果當選嘅話要挖角,只不過就被薯片叔叔一個神回應搞掂咗!呢個神回就係「你買唔到㗎,係錢買唔到嘅團隊」!

「用人」

古語有云「用人不疑,疑人不用」,對於好多管理層嚟講相信唔會陌生。只不過現實係好老闆難求,仲要係一個信任你嘅老闆就難上加難。慶幸嘅係自己係職場咁多年都得到老闆嘅信任先至可以發揮所長!因為如果老闆信任你,佢會接納你嘅意見,與此同時亦都會將好多嘢放手俾你,呢啲就足以證明自己嘅能力。信任會帶比你更多機會,更多嘅發展空間。所以無論係乜嘢嘅情況都要信任自己嘅團隊!

「信任」

當然無老闆一開始就會信任你,因為信任係需要用時間同能力去慢慢去累積返嚟。要人哋信任你,首先最基本嘅要求就當然係做好自己,而當老闆俾機會自己既時候就要好好把握,盡量做到最好!有時或者你會質疑自己嘅能力,只不過係老闆嘅角度就當然係相信你有咁嘅能力先至俾機會你發揮!而作為老闆,如果連自己嘅員工都唔信任嘅話,咁團隊就自自然然唔會發揮到佢應有嘅能力!


Also published on Medium.

Comments are closed.