嘥時間

「犯錯」

有時做嘢真係唔可以犯錯,因為有啲嘢一做錯咗就要從頭嚟過。原本可以快快手做完點知到最後又浪費咗好多時間去尋找錯處,有時真係要花多一倍嘅時間先至做完。只不過有時真係睇漏咗少少嘢,而就係嗰少少嘢就令到件事慢咗。有時已經睇多次自己有無做錯野,點知又係出事。不過有時唔撞過板就唔知錯咗係邊,點都好過以為自己做啱,但係其實做錯晒。好彩仲有時間挽救!

「時間」

曾幾何時有一位老闆同我講過,做任何嘢如果要做多過一次其實係費時失事,如果可以盡量第一次做嘅時候就應該要做好佢。就算花多少少時間去覆檢都好,始終好過做完之後,先至發現有問題要重新做過。當然嚟個道理好多人都明白,但係偏偏好多時就係走漏眼,真係一子錯,滿盤皆落索。而往往都係當你最忙,最趕時間嘅時候就做錯嘢,嘥晒啲時間去糾正問題同錯處!

「錯誤」

我其實真係好討厭一啲嘥時間嘅嘢,因為人就喺得個幾十年,所以與其浪費啲時間係啲瑣碎同無謂嘢上面,倒不如早啲更有意思嘅嘢。當然自己有弱點,就係粗心大意同心急。雖然經過咁多年嘅鍛鍊,已經有所進步,只不過總有啲時候,越係小心,就越易出事。唔知係唔係太耐無做一啲不斷重複嘅工作,定係自己真係老咗,竟然犯咗一啲低級錯誤。都係時候快快手搞掂返啲嘢先!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]