談言論


個人分享
Tagged With: , , , , , , , , ,

「行為」

其實都唔係今時今日先至知道,因為睇過好多唔同內容嘅數據,而好多時大家係社交媒體上面只係睇啲唔睇啲。就好似啲內容農場咁,因為一啲標題就被吸引咗,然後就㩒咗落去。但係有時啲人連內容都未睇就已經分享咗同評論咗,亦有一啲只係一知半解就跳出來,所以斷章取義嘅情況十分之多。不過嚟個現象真係幾得意,因為某程度上解釋咗今日嘅社會行為。

「無奈」

斷章取義係指不顧全篇文章或者談話嘅內容,孤立地取其中嘅一段或一句嘅意思。指引用與原意不符。當然錯重點唔緊要,只不過啲人就會一窩蜂咁討論同分享。係一個咁嘅情況之下當然只可以講無奈,因為重點並不在於嗰一兩點。只係狹窄咁討論同批評其實有乜嘢意義?倒不如真係花啲心思同時間去了解多一啲。睇嘢係要睇全面,評論前應該要了解事實嘅全部。

「言論」

其實好多人都好得意,唔知頭唔知路就喺度討論人哋嘅嘢。不過今時今日就係咁,讚嘅就一窩蜂去讚,鬧嘅又一窩蜂去鬧。不過因為我哋係一個言論自由嘅社會,所以尊重別人嘅言論,不論好壞都照單全收。只不過有啲人就係咁,唔知人哋講乜嘅時候就已經衝咗出去批評人哋。當然每個人嘅觀點與角度都會有唔同,所以無必要爭鋒相對,事關無咁嘅必要。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]