失平衡


個人分享
Tagged With: , , , , , , , , ,

「平衡」

係嚟個世界每一樣嘢都會要有佢自己嘅平衡點,如果太過極端化嘅話,問題就會出現。人生由一開始就係不斷咁學習點樣去平衡,只不過我哋會因為唔同嘅環境慢慢走向兩極。雖然人大咗,但係要學識點樣平衡依然係一門好高深嘅學問。就好似大自然咁樣,每個生態系統都有自己嘅平衡點,如果因為某啲環境因素而有所改變嘅話,後果其實有可能好嚴重。所以要搵出平衡點係一件好難嘅事。

「本能」

平衡力係人嘅本能,而當你失去平衡力嘅話,當然跌低嘅機會係會非常之好。人生就係會有起跌,總會有失衡嘅一日,而問題在於我哋點樣慢慢平衡返佢。只不過有時有好多嘢其實係自己一個人無辦法可以去平衡,因為平衡本身就係一個對立嘅狀態。平衡亦有分穩定同唔穩定,所以如何抵銷不平衡嘅因素係有好多方法。正所謂「正正得正」,「正負得負」而偏偏「負負得正」。

「失去」

其實香港而家係失去咗平衡,好多嘢真係好極端化。而最大鑊嘅係連我哋嚟班香港人都陪佢哋癲埋一份!最簡單不過嘅就當然睇下個樓市,每次有新樓盤推出嘅時候都話有好多人睇,然後就有好多新聞標題話破咗啲唔知乜嘢嘅記錄!但係邊度會有一個市場嘅樓價只會不斷上升㗎,所以就算要買樓都好,真係要睇定啲。點都好,無問係邊一個層面,我哋其實應該盡力去平衡我哋生活環境。


Also published on Medium.

Comments are closed.