港交通


個人分享
Tagged With: , , , , , , , , ,

「交通」

有時真係唔知話香港嘅交通係方便定唔方便,當然而家好多地方係有地鐵可以直達,但係有啲地方真係要搭好耐車,兼且要左轉右轉先至去到。但係揸車又係另一個煩惱,因為買車容易養車難,最難係搵位泊車。係香港泊車有時真係有啲煩,因為地方細所以街位唔多,唔似得外國咁,好多地方泊路邊都得。如果泊停車場嘅話,有啲真係貴到你唔信。咁當然你可以話唔揸車啦,但係當你有小朋友嘅時候你就唔會咁講架啦!

「問題」

其實香港塞車嘅最大原因唔係私家車,好多時都係因為公共交通工具造成。好多時啲巴士埋唔到站排晒長龍搞到塞車,小巴同的士又左攝右攝,有時話停就停。政府成鬼日話香港越嚟越多私家車,但係私家車唔係造成塞車嘅主要原因,因為好多人都係假日先至揸車。你估個個都咁有錢日日揸車返工咩?只不過政府一直都無嚟方面嘅數據,所以佢哋只係用車輛登記嘅數據而唔係實際路面嘅數據!

「數據」

如果香港政府真係有心搞好交通首先係要掌握路面實際情況嘅數據,只不過咁多年成日講智慧城市,講咗等於無講。連最簡單嘅巴士數據都無,咁講乜都無用。而家要知道邊度塞車好多時都係要靠谷歌個地圖,邊度有位泊又無資料,就算有街位好多旺區都有街霸。最慘嘅係如果唔揸車好多時都費時失事,如果要帶埋小朋友嘅話根本就無可能。拎住一袋二袋,再加嬰兒車或者其他嘢嘅話,上落公共交通工具真係人都癲。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]