檸檬茶

「檸檬」

相信好多香港人都鍾意飲檸檬茶,當然每個人都有唔同嘅喜好,有啲鍾情於茶餐廳嘅檸檬茶,有啲就鍾意某啲牌子。而自己就鍾意飲維他嘅檸檬茶,所以好多時屋企雪櫃都總會有存貨。其實檸檬茶同烏龍茶一樣,唔同牌子嘅味道都唔一樣,除非無得揀,如果唔係都只係會買同一個牌子。如果大家都鍾意飲檸檬茶嘅話,唔知你哋又鍾意飲邊隻牌子呢?

「陽光」

八十年代,陽光檸檬茶同維他檸檬茶係香港兩大檸檬茶嘅牌子,而因為要搶攻年輕人嘅市場,所以兩個品牌都大賣電視廣告。近日相信好多人都知道陽光檸檬茶出咗復刻包裝。感覺好親切,因為除咗包裝之外,相信好多人都會記得佢哋當年嘅廣告!而咁多年嘅廣告入面,大家最記得嘅應該係一九八七年推出嘅廣告,因為當年嘅主角係仲未出道嘅鄭伊健,而廣告歌「如陽光伴我」亦都深入民心。

「歌詞」

雖然一直唔知道邊唱嗰首歌,直至近日有人搵到啲資料先知道完來首歌嘅原唱者係叫做楊楚營。當然佢係好多年前已經離開咗,但係相信好多人都會聽過「如陽光伴我」嚟首個!「當初相遇時回頭在笑,望著笑臉感覺像似首詩。每次見他將心意合成字句,偷偷的 Say Hello!如陽光伴我,清新笑迎面,願照遍我心,自視每天快樂過。如陽光伴我,心中更明亮,在細細說聲,但願每天也望見。」


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]