狼人傳

「盧根」

今日終於睇咗盧根,而睇完嘅感覺真係有啲空虛同傷感,除咗因為係一個年代嘅終結之外,係無諗過狼人同教授最終嘅結局會係咁。當然英雄科幻電影通常都會有伏線,相信不久嘅將來又會有新嘅變種特攻電影出爐。只不過會係啲乜嘢嘅故事就真係要到時先知,因為盧根係曉治積曼同柏克史釗域參與變種特攻嘅最後一部電影。但係邊個可以取代佢哋兩個嘅地位呢?就好似以前蜘蛛俠同神奇四俠一樣,角色已經深入民心可能改朝換代。

「角色」

由變種特攻到盧根,狼人呢個角色一定喺最突出。除咗佢嘅身世之外,係變種特攻入面佢可以話係一個好重要嘅角色。雖然電影同漫畫係有好大出入,但係今集講述狼人同教授之間嘅關係真係好感人。教授患有腦退化症可以係話一大諷刺,而狼人亦因為身體問題開始變得虛弱,就連自我再生嘅能力都逐漸失去。今集另外一個重點就當然係承傳,因為人工基因改造而擁有狼人基因,狼人個女,羅拉!

「感動」

今集其實唔係睇打打殺殺位,而係睇感情戲!事關有好多感動位,真係寫都寫唔晒。不過最鍾意嘅係當教授終於知道點解狼人唔講比佢知究竟發生咗乜嘢事(但係狼人係聽唔到,事關嗰個係複製人),當狼人睇住教授離去嘅時候情緒失控,當狼人見到羅拉俾人捉咗嘅時侯佢奮不顧身去營救,當狼人離去前羅拉叫佢做爸爸,當羅拉離開前將墓前嘅十字架變成「X」英文字,等等。今次盧根可以話為狼人寫上一個完美而又感慨嘅句號!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]