懂分享


個人分享
Tagged With: , , , , , , , , ,

「害怕」

好多人都怕將自己所識嘅嘢分享俾其他人,原因係驚教識徒弟無師傅。但係如果個個人都係咁諗嘅話,嚟個世界係唔會有進步。當然比自己聰明嘅人有好多,而如果怕人哋學完嘢之後就飛起你嘅話,講真係唔係應該檢討下自己先呢?如果自己唔不斷進步,就算你唔教人哋,人哋都總有一日會超越你。有時學識分享係一種美德,除咗將自己所識嘅嘢傳授俾其他人之外,有時亦都會有意想不到嘅收穫!

「分享」

我經常講如果要教人就應該要將所有嘢教晒俾人,如果收收埋埋其實只會顯得自己無能力。如果你有一百樣嘢可以分享俾人,但係你只係選擇分享八十樣嘢,因為怕分享晒自己就再無價值。其實點解唔可以係分享一百樣嘢,然後自己再去學多二十樣嘢呢?樣樣嘢都係度計算嘅話,其實損失係自己。有時分享亦都係學習嘅一種。所以懂得識分享先至會令一個人成長!

「成長」

當然好多人會話你係唔係傻架?如果嚟個世界係咁嘅話,我哋只會不斷倒退。分享嘅意義就係希望大家互相分享知識,而通過分享再啟發新嘅知識。當然有啲人係好有機心,真係想喺你身上學晒所有嘢就走人。不過嚟啲人就唔會有突破,因為佢哋唔會主動去學新嘅知識。所以真係要活到老學到老,學海無涯,懂得分享係美德。你望到望長江後浪退前浪,青出於藍勝於藍啦!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]