評論前

「評論」

有啲人好鍾意評論,人又好,事又好,就係鍾意評論一啲同佢冇關痛癢嘅嘢!但係評論之前,好多時都佢哋只係一知半解,甚至乎只係聽番嚟。最慘嘅就係佢哋會活係自己嘅虛構空間,將啲嘢扭曲完之後就當成係事實,然後再同其他人討論。講真嚟啲人係超無品,關佢鬼事咩,所以評論任何嘢之前首先應該先搞清楚所有嘢。每個人都總有啲嘢係無人知,所以凡事唔好淨係睇表面!

「基礎」

評論嘅基礎係要有根有據,只不過絕大部分人都會因為見到事情嘅一小部份就去評論嘅話,老實講其實係好唔負責任嘅行為。如果無深入了嘅而去評論嘅話亦都表示評論嘅人有幾膚淺,完全毫無深度可言。因此凡事唔好淨係睇面嗰浸,評論前應該要睇埋底嗰浸。所以好多時我都唔會去評論其他人同事,就算評論我都會希望保持中立,唔會太快去靠邊,太快去作結論。

「膚淺」

要去了解一個人,一件事,其實要花好多時間同精神。評論任何嘢都可以好容易,分別在於有無深度。有啲人為咗吸引別人嘅注意,好多時就會嘩眾取寵,製造話題,去作出極端嘅言論。有無深度一辯就知,所以有時毋須理會嗰啲膚淺嘅人。其實將心比己,如果你牽涉係某啲評論之中,而你知道並非事實嘅全部,咁你會點呢?所以評論任何嘢之前,大家先諗一諗應唔應該評論呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]