入醫院

「發燒」

郭大少由出世開始都好健康,係試過手足口同玫瑰疹,但係兩次都係因為比人傳染。所以每當佢一發燒我哋都好緊張,因為真係好怕啲流感病毒。小朋友發燒真係可大可小,而如果唔係話去到四十度咁高燒嘅話,一般我地都睇到實。依家有好多病我哋真係未聽過,因為細個邊度有咁多奇怪病,最多都係發燒感冒個啲嘢。真係做咗人哋父母先至知道個小朋友有咁多唔同嘅病。

「醫院」

人生總有第一次,今日終於帶咗郭大少入醫院。事源佢星期日開始發燒,時高時低,食咗退燒藥好似好少少,但係體溫一直係三十八度同三十九度徘徊。間唔中都會去返正常溫度。到咗星期一晏晝仲發緊燒,而因為最近有好多流感個案,所以帶咗佢去睇醫生同做快速測試,以防萬一。點知一燒燒咗好幾日,最高成四十度,我哋本來想繼續觀察,但係今日都係決定帶佢去醫院,因為真係好擔心佢!

「皰疹」

過去幾日其實郭大少有啲反常,因為佢好扭計而且唔係點食嘢。就算平時好鍾意食嘅嘢都唔肯食,所以好鬼擔心佢。本來我哋以為係玫瑰疹,因為上次同今次都有少少似。不過去到醫院抽血嘅時候,老婆話佢啲牙肉出血,唔知乜嘢事。當醫生嚟到之後就同我哋解釋,郭大少應該係「皰疹性齦口炎」因為佢有明顯嘅症狀。本來以為佢係去玩先至感染,但係上網睇啲資料之後,其實嚟個病係一定要近距離接觸先會傳給人。所以其實一係我,一係我老婆傳染咗比佢。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]